Forum of Fouad Zadieke   Arabic keyboard

العودة   Forum of Fouad Zadieke > منتدى التسلية > تسليات منوّعة و طرائف من العالم

الملاحظات

إضافة رد
 
أدوات الموضوع انواع عرض الموضوع
  #1  
قديم 02-02-2011, 12:45 PM
الصورة الرمزية ابو سومر
ابو سومر ابو سومر غير متواجد حالياً
Titanium Member
 
تاريخ التسجيل: Oct 2007
المشاركات: 910
افتراضي طوبى لمعاقي الأمة



زين العابدين بن علي في خطابه الأخيرللشعب: إني أتفهمكم.. سعد الحريري في خطابه الأخيرللشعب: أنا بفهمكم منيح.. حسني مبارك في خطابه الأخيرللشعب: أعي تطلعاتكم المشروعة.. معمر القذافي.. علي عبد الله صالح.. و.. عزيزي القارئ أختي القارئة: إذا أنجبتم ولداً معاقاً بطيء الفهم والوعي فلا تعالجوه.. من يدري فقد يصبح رئيساً في دول تنفي أذكياءها وأنبياءها منذ أيام فرعون ونائبه هامان وحتى أيام مبارك ونائبه عمر سليمان.. المعدودة .. المطلوب رؤساء وملوك سريعي الفهم والإستجابة .
................. نبيل صالح - سوريا .......
نكت مصريه

- واحد مصري وجد مصباحا ففركه.. طلع العفريت وقال: عندك ساعة بيدك، رد المصري: نعم. قال العفريت: هاتها، ومعاك محفظه، رد المصري: نعم، قال العفريت: هاتها. معاك محمول، رد المصري: نعم، قال العفريت :هاتو. ودخل بعدها المصباح ولم يخرج. المصري أحس انه (اتنصب عليه)، ففرك المصباح مرة تانيه، خرج الجني وقال :عاوز ايه، رد المصري : المفروض تحققلي 3 امنيات موش تاخد مني حاجاتي وتسرقني، ضحك العفريت وقال :ده ياروح أمك كان زمان مصباح علاء الدين لكن ده مصباح علاء مبارك!
- نُصح الرئيس مبارك بإلقاء خطبة وداعية للشعب، قال مبارك: هوه الشعب حيروح فين؟!
- خبر عاجل: الرئيس حسني مبارك يُضرم النار في روحه وسط ميدان الحرية مطالباً بتغيير الشعب.
- الرئيس محمد حسني مبارك استبدل النشيد الوطني المصري بأغنية سميرة بن سعيد: يللي أديت لحياتي حب وطعم ولون، مش حتنازل عنك أبداً مهما يكون.
- مذيعة مصرية سألت صعيدي: ما هي توقعاتك إذا نجحت المظاهرات في مصر؟ رد الصعيدي: حنلعب
مع تونس على النهائي.
- بن علي يهاتف مبارك ويقول له: حسني، جيب معك مايوه سباحة، ترى جدة غرقانة.
- الريس محمد حسني مبارك على إذاعة FM يهدي الشعب أغنية (أخاصمك آه.. أسيبك لأ).




تصفيق




الرئيس حسني مبارك بالطيارة قرر يرمي 100 جنيه
يفرح بها عائلة مصرية
قالت زوجته : خليهم خمسينتين وفرّح عايلتين
قال ابنه : خليهم 25 وفرّح أربع عوايل
قال كابتن الطيارة : يا عم أرم نفسك وفرّح 70 مليون مصري

*****

علاء مبارك شارك في برنامج
من سيربح المليون
وصل لآخر سؤال ، السؤال : من هو أكبر حرامي في مصر ؟
طلب مساعدة صديق واتصل بأخوه جمال وقاله السؤال
رد عليه أخوه : انسحب باللي معاك وما تخسرش أبوك !!

*****

مره حسني مبارك راح مدرسة ابتدائي فلما جت فترة الاسئلة ، ولد رفع ايده
مبارك سأله اسمك ايه فقاله رامي فقاله ايه سؤالك يا رامي ؟
رامي : انا عندي اربع أسئلة

1. ليه انت رئيس بقالك 25 سنة ؟

2. لسه معينتش نائب ؟

3. ليه ولادك ماسكين كل حاجة في البلد ؟

4. ليه مصر حالتها الاقتصاديه زفت وانت مبتعملش حاجة ؟


ساعتها بالضبط رن جرس الراحة
وبعد الراحة رجع مبارك وقال احنا كنا فين بقى ؟
مين عنده سؤال ؟
ولد صغير تاني رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اسئلة

1. ليه انت رئيس بقالك 25 سنة ؟

2. لسه معينتش نائب ؟

3. ليه ولادك ماسكين كل حاجة فى البلد ؟

4. ليه مصر حالتها الاقتصاديه زفت
و انت مبتعملش حاجة ؟

5. ليه جرس الراحة
رن ربع ساعة بدري ؟

6.. وبعدين فين رامي ؟؟؟؟؟؟ !!!!!


*****


مبارك : عارف يا ابليس ياخويا , انا عاوز اعمل في الشعب المصري حركه تطلع من نافوخهم
إبليس : طب هات ودنك وخد الفكره دي .....وش وش وش
مبارك : لالا يا ابليس الفكرة دي مش نافعة , عاوز حاجة أشد
إبليس : طب خد دي ...... وش وش وش وش
مبارك : لالا , برضه مش نافعة , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك

*****

واحد اتحشر في زحمة المرور فلقى واحد بيخبطله
على شباك السيارة
فتح الشباك و سأله : عايز ايه
قاله : الرئيس حسنى مبارك خطفوه و الفدية 5 مليون دولار
و لو الفدية ماتدفعتش .. الخاطفين هددوا يدلقوا عليه بنزين
ويولعوا فيه
و احنا بنجمع تبرعات .. تحب تشارك ؟
الرجل سأل : وفي المتوسط الناس بتتبرع بكام
الرجل الثاني : من 5 الى 10 لتر بنزين


*****
مرة سيادة الريس مد إيده في جيبه لقي 5 مليون جنيه !!
فزعل قوي وخاف وقال : إيه الفلوس دي الفلوس دي حرام؟
فسأل أحد مساعديه فدله على طريق الشيخ طنطاوي
رئيس الأزهر الفاضل وقال له : اسأل الشيخ وهو يقول لك الحل

ما كدبش خبر وجري على الطنطاوي وحكى له القصة فرد:
5 مليون بس .. إيه النزاهة دي؟
دي بسيطة خالص يا ريس ما تزعلش نفسك ؟
كل اللي هتعمله حتروح تمشي بالأحياء الفقيرة ، كل ما تمشي واحد كيلو تتبرع بألف جنيه عن كل مليون جنيه وخلاص .

الريس راح يمشي ، وهو بيمشي قام لقي عمنا صفوت الشريف بيمشي بنفس المكان فقال له : أنت بتعمل إيه هنا ؟ أنت حتمشي كام؟

صفوت قاله 78 كيلو يا ريس
الريس: يخرب بيتك؟ ده أنت خربت البلد !!
صفوت : أنت جاي علي أنا وتحاسبني؟
روح شوف علاء ابنك ، جايب موتوسيكل وبقاله 3 أيام بيمشي فيه


*****


كان حسني مبارك فى سرير المرض حينما أخذ يلقى بوصاياه الأخيرة لوزيره احمد نظيف :
- وصيتك الحكم من بعدى يا احمد
- فى رقبتى يا ريس .. كله تمام والسلطة هياخدها جمال
- ثم راح فى غيبوبة .. أفاق منها بعد قليل
- وصيتك الشعب من بعدى يا احمد
- ما تخافش يا ريس .. الشعب ياكل الزلط
- ثم راح فى غيبوبة .. أفاق منها بعد قليل
- احمد
- نعم يا ريس ؟
- بس ماتنساش .. توكيل الزلط لعلاء


*****


كان حسني مبارك بيخطب في الشعب
فكل شويه واحد يقوم ويقول :
عاش حسني مبارك موحد الاديان ويقعد
يروح حسني مكمل كلامه وشوية ويقوم الراجل
ويقول عاش حسني مبارك موحد الاديان

اتمسك من امن دوله وطااااااااخ

ويقولوله ايه الي انت بتقوله إيه دا ، ازاي موحد الاديان ؟؟؟
دي مصر فيها مسيحين ويهود ومسلمين وطااااااخ
فرد عليهم : يا باشا .... ماهوه موحد الأديان
علشان هوه اللي مكفرنا كلنا


*****


بيقولك واحد تاني لقي الفانوس السحري ودعكه طلعله العفريت
و قالــــــه : شبيك لبيك تطلب أيه ؟
قاله الراجل : أنا عايز كوبري بين القاهرة و أسوان
العفريت قاله : دي صعبة قوي .. نقى حاجة تانية
الراجل قاله : خلاص خلي حسني مبارك يسيب الحكم
العفريت قاله : أنت عايز الكوبري رايح جاي ولا رايح بس


*****


أخبرنى بصراحة يا نظيف ولا داعى للمجاملة أو النفاق
نظيف : أمرك يا ريس
الريس : أنا الأفضل و لا عبدالناصر ؟
نظيف : انت طبعا يا ريس .. جمال مين دا اللي كان
بيخاف من الروس !!

الريس : طيب أنا الأفضل ولا السادات ؟
نظيف : سادات مين دا ياريس اللي
كان بيخاف من الأمريكان !!

الريس : طيب أنا الأفضل ولا عمر بن الخطاب ؟
نظيف : انت طبعا يا ريس ..
عمر بن الخطاب دا كان بيخاف من ربنا
إنما انت لأ



__________________
ܐܠܠܗܐ ܚܘܒܐܗܘ
ܡܘܢ ܢܐܬܪ ܒܪܢܘܫܐ ܐܢ ܥܠܡܐ ܢܩܢܐ ܘܢܦܫܗ ܢܝܚܣܪ
- الله محبة -

((ماذا ينفع الانسان لو ربح العالم وخسر نفسه ))

// الرب يسوع حامي بلاد الرافدين //
// طور عابدين بلد الاجداد الميامين //

التعديل الأخير تم بواسطة ابو سومر ; 06-02-2011 الساعة 11:40 PM
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:01 PM.


Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by Support-ar
Copyright by Fouad Zadieke