Forum of Fouad Zadieke   Arabic keyboard

العودة   Forum of Fouad Zadieke > المنتدى الادبي > قسم خاص بكتابات الياس زاديكه

الملاحظات

إضافة رد
 
أدوات الموضوع انواع عرض الموضوع
  #1  
قديم 11-04-2011, 06:39 PM
الياس زاديكه الياس زاديكه غير متواجد حالياً
Super Moderator
 
تاريخ التسجيل: Jul 2005
المشاركات: 14,102
افتراضي قصة العلوك المتمرد !!

قصة العلوك المتمرد !!
هاي القصة ماهي للأولاد لأن ألها معنى كبير في حياتنا نحن البشر !!
تقول القصة كان في علوك كتير يحب حالو وكان يتفاخر ويريد دائما يطلع برا كرمال يفرجي حالو للناس بأن له شخصيته المستقلة ولا يرضى حجز حريته من قبل صاحبه ... وكل يوم صاحبه المسكين يطلع يدور عليو ساعه وساعتين لحتى مايشوفوا ويرجعه لبيته ويقعد ينصحه ويقول خليك بالبيت أنت معزز ومكرم وماعم أترك أي شيء ناقص عليك ولاتحاول تطلع لبرا لأن الصيادين كتار هني راح يقتلوك .. هادا زلمتنا العلوك ياللي عم يدعي حالو بأنه واثق من نفسه ماكان يسمع كلام صاحبه .. ويعيد الأسطوانة كل يوم .. صاحبه عجز ومل من حركاته وتصرفاته وقال له أوعدك ياعلوك لو حاولت تطلع برا مرة تاني ماراح أركض وراك ولا أسأل عليك بنوب لحتى ماترجع أنت من تلقاء نفسك وتفهم كلامي وتقعد معي ببيتك .. هادا العلوك كان يضحك بقلبه ويقول لالالا أكيد راح تركض وراهي وترجعني لأن تحبني ومابإمكانك تستغني عني أبدا .. يقولك مرة من المرات طلع لبرا وهوي عم يمشي وصل فلاح قال للفلاح الله يطول عمرك أريد أطلع فوق أعلى صخرة في هاي البرية وبدي تساعدني .. أتطلع فيه الفلاح وقال لشو بدك تطلع فوق هاي الصخرة العالية ؟؟ قال أنا أحب يكون مكاني دائما عالي بشان تتفرج علي كل الناس وتشوف منظري وجمالي وتعرف مين أنا وأثبت شخصيتي .. قال تكرم عيونك راح أساعدك .. قام جاب الفلاح المحراث تبعه وقال يلا تسلق شوي شوي لحتى تصل على راس الصخرة العالية .. زلمتنا العلوك بلش يتسلق وبتعب وعرق لحتى وصل حالو لراس الصخرة ولسع مامسح عرقو وأرتاح بلش ينفش ريشو ويعلي راسو فجأة شافو واحد صياد قال أوووووخخخخخ أي لك شو هاي اللقمة الطيبية ياللي ربي بعتلي هي قام طلق عليو وقعو من على الصخرة وصار يتخبط بدمه وهوي على الأرض وماعاد يقدر على الحركة فورا تذكر نصائح صاحبه لكن بعد فوات الآوان وندم ليش ماطاع صاحبه لكن لم يعد ينفع الندم !! وهوي بين هاي الأفكار ماشاف إلا الصياد متل الذئب وقف فوق راسو وأخدو للبيت ودبحو وعمل عليو أطيب أكلة برغل وألف صحة هنا على قلبك يافلاح .. صاحبه سمع بعد كم يوم بالقصة قال : هادا مستحقك ومستحق كل من مايسمع نصيحة ياللي يخاف عليه ويحرص عليه ألف صحة على قلبك ياصياد !!
أتمنى تكون القصة عجبتكن ؟؟
تقديري ومحبتي
الياس زاديكه
__________________
www.kissastyle.de

التعديل الأخير تم بواسطة الياس زاديكه ; 11-04-2011 الساعة 10:49 PM سبب آخر: قصة العلوك المتمرد !!
رد مع اقتباس
  #2  
قديم 12-04-2011, 07:48 AM
الصورة الرمزية fouadzadieke
fouadzadieke fouadzadieke غير متواجد حالياً
Administrator
 
تاريخ التسجيل: Jun 2005
المشاركات: 45,567
افتراضي

قصة حلوة و ذات عبرة لمن يعتبر. الغرور قاتل و عدم سماع النصيحة مدمّر هذا ما يمكن أن نستخلصه من روعة هاي القصة. تسلم إيدك يا غالي.
__________________
fouad.hanna@online.de

رد مع اقتباس
  #3  
قديم 12-04-2011, 08:36 AM
الياس زاديكه الياس زاديكه غير متواجد حالياً
Super Moderator
 
تاريخ التسجيل: Jul 2005
المشاركات: 14,102
افتراضي

قصة حلوة و ذات عبرة لمن يعتبر. الغرور قاتل و عدم سماع النصيحة مدمّر هذا ما يمكن أن نستخلصه من روعة هاي القصة. تسلم إيدك يا غالي.
فعلا يالغالي التمرد والغرور هما ألد أعداء للإنسان ومن تمرد سيخسر أشياء وأشياء دون علمه .. من قبل قالولها أخوي كانت قبل النصيحة بجمل وهلا صارت النصيحة بضرطة .. فعلا يالغالي هذا هو مغزى القصة ومعناها !!
تشكر ياطيب
تقديري ومحبتي
الياس زاديكه

__________________
www.kissastyle.de
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:35 AM.


Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by Support-ar
Copyright by Fouad Zadieke