قالب السبانخ

joumana · #1 13-03-2007, 07:36 PM

قالب السبانخ بالبيض
طريقة سهلة لعمل السبانخ بالبيض في الفرن
المقادير
1 كيلو سبانخ
1/2 1 كوب لبن
2 ملعقة كبيرة سمن
3 ملعقة كبيرة جبن رومي مبشور
5 ملعقة كبيرة كسبرة مفرومة
3 بيض
1 بصل مفروم
ملح
فلفل أسود
فلفل أسود
1 كوب عصاج اللحمة المفرومة
الطريقة
1 - تنظف السبانخ وتغسل جيداً ثم تقطع قطع صغيرة
2 - تشوح السبانخ مع السمن والبصل على نار هادئة لمدة 10 دقائق ثم دضيف الكسبرة المفرومة
3 - ندهن قالب فرن بالسمن ونرص نصف كمية السبانخ ثم نضع العصاج ثم نضيف باقي كمية السبانخ
4 - يضرب البيض بالمضرب السلك ونضيف له كمية اللبن والجبن الرومي والملح والفلفل ثم يصب الخليط على قالب السبانخ
5 - يدخل القالب في فرن متوسط الحرارة لمدة 30 دقيقة أو حتى ينضج البيض واللبن مع السبانخ ويقدم ساخنا

الياس زاديكه · #2 13-03-2007, 08:01 PM

ياريت لو كان على لحمة مفرومة لأن أنا مابحب البيض !!! بس يلا معليش كرمالكي راح ناكله
تشكري إبنة عمي
تقديري ومحبتي
ألياس

georgette · #3 13-03-2007, 08:02 PM

امممممم
انا اموت بالسبانغ يا بنت عمي وهاي طريقة فعلا سهلة وبتبين طيبة
يسلمو حبيبتي

alashoria · #4 13-03-2007, 08:02 PM

بتعرفي جومانتي
لما كان ابني صغير كنت بساويلو هالأكلة وما كان يحبها
بس كنت اقنعو واحكيلو انك لو اكلتها كلها راح تصير
مثل باباي يلي بأفلام كارتون
ويا سبحان الله كل ما كنت اساويلو ياها كان يجي عالبيت
مضروب .كانوا الاولاد يضربوه
وكان يقولي حطيها بالعلبة وانا افتحها وآكلها مثل باباي هههههه

يسلمو إيديكي يا حبوبة

fouadzadieke · #5 13-03-2007, 08:16 PM

شكرا يا جومانة بس صدقني يا أبو فرانس السبانخ على البيض أطيب منهن على اللحم. وكمان الخبّازة على البيض أطيب وكما الحمحم عالبيض أطيب وكمان مفركة الكوسا عالبيض أطيب وكمان كمّة الفقير (الكمه) عالبيض أطيب هادا زوقي شخصيا أعرف إنت روح قلبك اللحم مع إنو مو صحيّ وأنا أقول لسميرة على طول اللحم مو صحي قللي منّو بس هيّ كمان تحب تعمل كتير أكل عاللحم و إحم إحم.

joumana · #6 13-03-2007, 08:30 PM

تكرم عيونك يا ابنعمي الياس بس تجو لعنا ما راح اعملك غير السبانخ بالحمة هههههاسهل اكلة شكرا على مرورك
اشكرك حبيبتي جورجيت على مرور

الله يسامحكي يا صديقتي الاشورية كان لازم تقولي لابنكي راح يصير متل باباي مشان ياكل قتلات بس تعملا السبانخ هلق قوليلو راح يصير متل عمة جومانا قوي هههه مشان ياكلو رفقاتو كلن قتلات ههههه شكرا على المرور

اشكرك يا ابن عمي فؤاد على اضافتك الجميلة

فريدة زاديكه · #7 13-03-2007, 11:16 PM

أنا أيضا أحب السبانخ جدا مع بيض وتوم وحامض وبابا كمان كتير يحبن .
شكرا جمانتي حبيبتي للتنوع

Sabah Hakim · #8 13-03-2007, 11:50 PM

اي يسلموا ايديكي ياحلوه لاني بحب السبانخ وشغلتها مو صعبه كتير وكمان فيه حديد مشان نصير السوبر وومن ههههه

سلمت يداك ياصديقتي

محبتي

نبيل يوسف دلالكي · #9 18-03-2007, 08:23 AM

السيدة جمانة المحترمة
تحية صباحية وبعد
أنا من محبي السبانخ لما فيه من نسبة حديد لنا وللنبات فدائماً بعد سلق السبانخ نترك الماء يبرد ثم اسقي به النبتات في المنزل فتأخذ حديد طبيعي .
شكراً على أكلتك وسوف أجربها ولكن أسأل هل السبانخ مسلوق حين نضعه بالفرن مع هذه المجموعة .
وإن كنت أنا أحب السانخ على الطريقة التالية :
بعد سلقه وتصفيته أطبخه قليلاً مع الزبدة ومن ثم أضع فوق الصحن أمامي ما يلي :
طابات لحمة مسلوقة صغيرة .
لبن مع ثوم
والسبانخ موضوع على رز مطبوخ لك كل التحية
نبيل

joumana · #10 18-03-2007, 09:06 PM

اشكر مرورك يا عزيزتي فريدة ولك تحياتي

اي بعرف اكلة السبانخ سهلة للي متلي ومتلكي يا صبوحة هههههه شكرا حبيبتي على المرور

اشكر مرورك يا اخي نبيل واقول لك بالصحة والهنا