Forum of Fouad Zadieke   Arabic keyboard

العودة   Forum of Fouad Zadieke > المنتدى الادبي > نبض الشعر > مثبت خاص بفؤاد زاديكه > خاص بالشعر العامّي و الزجل فؤاد زاديكه

الملاحظات

إضافة رد
 
أدوات الموضوع انواع عرض الموضوع
  #1  
قديم 12-02-2006, 07:19 PM
الصورة الرمزية fouadzadieke
fouadzadieke fouadzadieke غير متواجد حالياً
Administrator
 
تاريخ التسجيل: Jun 2005
المشاركات: 45,595
افتراضي قصيدة المعلّم

قصيدة المعلّم

قالوا راتبنا تعبانْ
قلنالن: لأ مو تعبانْ
نعطي من دمنا ساعاتْ
واحدنا مانو زعلانْ
أربع ساعات بتكفي
نصنعْ فيها هالإنسانْ!
ما إلنا حقّ نقارنْ
بين الرّاتب والإنسانْ
مهما ساوينا الرّاتبْ
يبقى معلّمنا خسرانْ
لكنْ مو هون المشكلْ
المشكل أكبر بالشّانْ
كل واحد يعملْ حالو
فوق معلّمنا سلطانْ
ويا ويلو لو يتذمّرْ
بدّو ينقصّلو لسانْ
بيّي التلميذ بيحضرْ
لَيقاتلنا بها الأزمانْ
ولمّنْ نبعتلوا دعوه
تَيراجعنا. مو سألانْ
ولمّا يراجعنا شي يوم
جايه وجايبلو إعلانْ
من أقوال تفشّ الخلق
ويفجّرْ فينا البركانْ!
نستحمل هادا الواجبْ
وواجبنا خدمة أوطانْ
لو جاهلْ ما رح نزعلْ!
لو حاقد نصمّ الآذانْ
تميّزنا عنّو الأقلام
والوعي مرسّخ بنيانْ
ريتا كانت بلوتنا
هايه وحدا. يا أخوانْ
ندخل عالصّف نلاقي
الصّف بطلاّبو مليانْ
خمسه ستّه عالمقعدْ
ضاع الشاطر معْ كسلانْ
خلّونا نحكي أكترْ
عن قصّة صارتْ بزمانْ
معلّم رايح يتجوّزْ
وحده والدها فرّانْ
وجِدّا ميّت من فقرو
وخَيّا صانع في دكّانْ
بيّا طلّع عالعالي
من راس الإنف الورمانْ
قالو مو قادر يا بني
ما رح وافقْ مهمنْ كانْ
إمّا قالتْ: يا دلّي
بنتي تتجوّز جوعانْ؟
خلّيها ببيتا أحسنْ
ناطرها إبن الجيرانْ
ولمّا سألنا عن جارا
قالوا: يعمل عند فلانْ
لا بيعرفْ يقرا ويكتبْ
عايش عاسَتْر الرّحمنْ
الله يعينك يا معلّمْ
يا مهذّب خلق الإنسانْ
يا ما دلّيتْ الظالم
بالإثبات وبالبرهانْ
ويا ما وعّيت العالمْ
ويا ما علّيت البنيانْ
يا ما تحمّلت الجاهلْ
يا ما أشكال وألوانْ!
لاكنْ ضلّيت القائدْ
ومعلّم كلّ الأزمانْ
خلّي الناس تعيّرنا
بهدية عيد الإنسانْ
هديّة وَحده في كل عامْ
والغير بيبلع خزّانْ
نحنا قنعنا بالواقعْ
ورضينا بهادا الحرمانْ!
قلنا الأخلاق بتكفي
صار اليبلعْ مو رضيانْ
خلّي هالشّمعة تكبرْ
وتدفّي صدر البردانْ
جدّدنا البيعة هاليومْ
للمعلّم هالإنسانْ
بلكي تفرقعْ خزّانات
ويتساوى كلّ الإخوانْ
وتعلى بمجدك يا أستاز
ومجدك في كلّ الأزمانْ.
ألله يديمك عزّ ومجد
وخلّي تتفلسف عربانْ
ما في رشوه فالتّعليم
بسْ في محبّه وفي إحسانْ!

التعديل الأخير تم بواسطة fouadzadieke ; 13-07-2008 الساعة 03:28 PM
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:34 AM.


Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by Support-ar
Copyright by Fouad Zadieke