دجاج محشي لذيذ

[joumana]

المكونات والمقادير
طبعا المقادير ع حسب حجم الدجاجة
دجاج مغسول ومنظف جيدا وافركيه باليمون او الخل علشان الريحة

نحتاج لحشو الدجاج ( انا دجاجتي كانت وسط تقريبا ))
طرشي الليمون حبتين مقطعين ارباع (( وهو اساس الخلطة والسر الطعم الذيذ ))
نص باقة كزبرة وشوي نعناع اذا تبغي مفرومين طبعا
2 م ك صلصة طماطم
ثوم وحبتين فلفل اخضر حار مدقوقين بالهاون ( اذا تبغي حاااار زيادة زودي الفلفل تطلع ألذ))
حبة ماجي مفتت
كلهم تخلطينهم مع بعض بالملعقة وتحشي الدجاج بها وتخيطيها زييييييييين
واربطي رجولها ويدتها حتى ما يطلع الحشو

طريقة التحضير

بعدين يا ستي تبلي الدجاج من برا والمنطقة اللي بين اللحم والجلد زييين
أنا تبلتها فلفل احمر +ثوم + زنجبيل + ملح + ليمون + كركم
ممكن تتبليها بأي شيء ثاني تحبيه
خلاص كدا الدجاجة جاهزة للطبخ بس لالالالالالالالازم نسوي كل هذا قبلها بيوم او اقلها ساعتين
يعني حطيها في الثلاجة علشان تاخذ النكهة والطعم وثاني يوم ما لك إلا تطلعيها وعطول بالفرن وقصدريها الين تنضج
يعني تقريبا ساعة الى ساعة ونص واذا تبيها مرررة مستوية ع الاخر ساعتين ع حسب
بعدين اكشفي عليها وخليها تتحمر من فوق

وإذا عملتيها بقدر البخار هذا عبي القدر اللي تحته ماء وحطي بهاراتك ( هيل قرفة قرنفل حب طبعا)
والقدر اللي فوق دجاجتك وغطيها وخليها ساعتين الى ثلاث لييييييييييييين يستوي بعدين طلعيها وحمريها في الفرن
قدميها مع الكبسة ممممممممم وطبعا تاكل الرز مع الخلطة ..اتمنى تجربوها


تحياتي